শনিবাৰে দুপৰীয়া হঠাৎ চিলাপথাৰৰ পুৰণি গৰু বজাৰৰ সমীপত সংঘটিত হয় বিধ্বংসী অগ্নিকাণ্ডৰ ঘটনা।

অগ্নিকাণ্ডত কেইবাখনো ব্যৱসায়িক প্ৰতিষ্ঠানৰ বিস্তৰ ক্ষতি সাধন হয়। ঘটনাত জ্বলি ভস্মীভূত হয় এটি কাপোৰৰ গুডাম।

এই ঘটনাৰ পিছতেই দেওবাৰে পুৱাই ক্ষতিগ্ৰস্তৰ কাষত উপস্থিত হৈ ক্ষয়-ক্ষতিৰ বুজ লয় লখিমপুৰৰ সাংসদ প্ৰদান বৰুৱাই।

সাংসদ গৰাকীয়ে এই সন্দৰ্ভত মুখ্যমন্ত্ৰীৰ সৈতে আলোচনা কৰি ক্ষতিগ্ৰস্তক সাহাৰ্য প্ৰদানৰ আশ্বাস দিয়ে।