শুকুৰবাৰে ছবিগৃহলৈ আহিব “অভিমন্যু”, আৰম্ভ হৈছে অগ্ৰিম বুকিং
অৱশেষত আহি পালে সেই বিশেষ দিনটো। শুকুৰবাৰে ছবিগৃহলৈ আহিব নতুন অসমীয়া ছবি অভিমন্যু। কাইলৈ ৰাজ্যৰ প্ৰতিটো ছবিগৃহতে মুক্তিলাভ কৰিব অচিন্ত শংকৰৰ পৰিচালনাৰে নিৰ্মিত ছবিখনে।
বৰ্তমান ‘Book my show’ ৰ জৰিয়তে আৰম্ভ হৈছে টিকটৰ বুকিং।
ছবিখনৰ মুখ্য চৰিত্ৰত অভিনয় কৰিছে কমল লোচন আৰু দ্বীপলিনা ডেকাই। তাৰোপৰি, ন-পুৰণি ভালেসংখ্যক অভিনেতা-অভিনেত্ৰীয়েও ছবিখনত কৰিছে অভিনয়।
এক্সন, ৰোমাঞ্চ, চাস্পেন্সেৰে ভৰা এখন ছবি “অভিমন্যু”। ছবিখনত দৰ্শকে মাজে মাজে হাঁহিব, লগতে মাজে মাজে ওলাব চকুপানী। মুঠতে অভিমন্যু এবাৰ চালে হেঁপাহ নপলাব আপোনাৰ!
ইতিমধ্যে দৰ্শকে আঁকোৱালি লৈছে ছবিখনৰ গীত আৰু ট্ৰেইলাৰ। ইফালে বুধবাৰে গুৱাহাটীৰ অনুৰাধা ছবিগৃহত অনুষ্ঠিত হয় ছবিখনৰ প্ৰিমিয়াৰ। ছবিখনক লৈ আশাবাদী পৰিচালক অচিন্ত শংকৰকে ধৰি ছবিখনৰ সৈতে জড়িত সকলো।
চবনম entertainment ৰ বেনাৰত নিৰ্মিত ছবিখন প্ৰযোজনা কৰিছে মতলেবুদ্দিন আহমেদে। এতিয়া সকলোৱে আশা কৰিছে ছবিখন চাবলৈ হিলদোল ভাঙি দৰ্শক আহিব ছবিগৃহলৈ।