Advantage Assam 2.0 :আদানী, আম্বানী, টাটাই দেখুৱাইছে সপোন! অহা ৫ বছৰত অসমলৈ আহিব আমূল পৰিৱৰ্তন! হাজাৰ হাজাৰ নিবনুৱাই পাব চাকৰি
অসমত উঠিছে বিনিয়োগৰ জোৱাৰ। আগন্তুক ৫ বছৰত অসমলৈ আহিব আমূল পৰিৱৰ্তন। অসম চৰকাৰে আয়োজন কৰা এডভাণ্টেজ আছাম ২.০ত দেশ-বিদেশৰ বিনিয়োগকৰীয়ে অসমত হাজাৰ হাজাৰ কোটি টকা বিনিয়োগ কৰাৰ কথা ঘোষণা কৰিছে। আজিৰ পৰা আৰম্ভ হোৱা এই কাৰ্যসূচীত প্ৰথম দিনটোতে মুকেশ আম্বানী, গৌতম আদানী আৰু টাটা গ্ৰুপে অসমত ৫০ হাজাৰ কোটি পৰ্যন্ত বিনিয়োগ কৰাৰ কথা ঘোষণা কৰিছে।
দেশৰ বিশিষ্ট উদ্যোগপতি মুকেশ আম্বানীৰ ঘোষণাঃ অসমক গঢ়ি তুলিব ‘টেক ৰেডী আৰু এ আই ৰেডী’ ৰাজ্যৰূপে। অসমত স্থাপন কৰিব এটা AI ৰেডী ডাটা চেণ্টাৰ। নিৰ্মাণ কৰিব সপ্ততাৰকাযুক্ত অ’বেৰয় হোটেল। কৰ্ম সংস্থাপন দিব ১০ হাজাৰৰো অধিক অসমীয়া নিবনুৱাক।
দেশৰ বিশিষ্ট উদ্যোগপতি গৌতম আদানীৰ ঘোষণাঃ গৌতম আদানীয়ে অসমক আগন্তুক ৫ বছৰত বিমানবন্দৰ, এৰ’চিটী, চিটীগেছ, চিমেণ্ট আৰু পথ নিৰ্মাণত বিনিয়োগ কৰিব।
আনহাতে টাটা গ্ৰুপে অসমত লেক্ট্ৰনিক্স আৰু ম’বাইলৰ এটা বৃহৎ মেনুফেকচাৰিং প্ৰকল্প নিৰ্মাণ কৰিব বুলি ঘোষণা কৰে। এই প্ৰকল্পত ৩০ হাজাৰৰ অধিক নিবনুৱাই চাকৰি পাব। ইফালে ভূটানৰ পৰা টাটা পাৱাৰে অসমক দিব ৫০০ মেগাৱাট বিদ্যুৎ।