পৰেশ ভূঞা বহুতৰে বাবে অপৰিচিত যদিও লখিমপুৰ তথা উত্তৰ অসমৰ বাবে এখন পৰিচিত মুখ। চিত্ৰশিল্পী হিচাপে পৰেশ ভূঞাই ইতিমধ্যে দেশে বিদেশে সুনাম বুলটিবলৈ সক্ষম হৈছে। শেহতীয়াকৈ ৰাছিয়াৰ ৰাজধানী মস্কোত উজলি উঠিছে লখিমপুৰৰ বিশিষ্ট চিত্ৰশিল্পীগৰাকী। মস্কোত বিশেষ ভাবে প্ৰদৰ্শিত হৈছে পৰেশ ভূঞাই অংকন কৰা চিত্ৰ।
ৰামায়ণ আৰু মহাভাৰত” বিষয় বস্তুলৈ মস্কোৰ ভাৰতীয় দূতবাসত অনুষ্ঠিত চিত্ৰ প্ৰৰ্দশনীত ভাৰতৰ ১১জনৰ ভিতৰত পৰেশ ভূঞাও এজন। তেওঁৰ লগতে দেশৰ অন্য চিত্ৰশিল্পীয়ে অংকন কৰা চাৰিখন “চিত্ৰ ” মস্কোৰ দূত বাসত সংৰক্ষণ কৰা হৈছে। পৰেশ ভূঞাই জানিবলৈ দিয়া অনুসৰি অসমৰ অন্য ৫গৰাকী চিত্ৰ শিল্পীয়েও এই কাৰ্যসূচীত অংশগ্ৰহণ কৰিছে।