Hyperloop Tube: গুৱাহাটীৰ পৰা লখিমপুৰ মাত্ৰ ৩০ মিনিটত! বিশ্বৰ দ্ৰুততম ৰে’ল প্ৰকল্পত লখিমপুৰৰ সন্তান
বিশ্বৰ দ্ৰুততম ৰে’ল প্ৰকল্পত লখিমপুৰৰ সন্তান। অত্যাধুনিক হাইপাৰলুপ প্ৰকল্পত জড়িত অসমৰ সিদ্ধাৰ্থ বৰুৱা। মাদ্ৰাজ IITৰ চূড়ান্ত বৰ্ষৰ ছাত্ৰ ঘিলামৰাৰ ৰাইদঙীয়া গাঁৱৰ সিদ্ধাৰ্থ বৰুৱা। দেওবাৰে প্ৰকল্প পৰিদৰ্শন কৰি বিজ্ঞানী আৰু অভিযন্তাৰ দলটোক ভূয়সী প্ৰশংসা কৰে ৰে’লমন্ত্ৰী অশ্বিনী বৈষ্ণৱে।
এই ৰে’ল প্ৰজেক্টৰ লক্ষ্য- ৩০ মিনিটত ৩০০ কিলোমিটাৰ দূৰত্ব অতিক্ৰম কৰা। সৰ্বাধিক স্পীড হ’ব ১২০০ কিলোমিটাৰ প্ৰতি ঘণ্টা। বৰ্তমান আই আই টি মাদ্ৰাছত চলি আছে এই প্ৰকল্পৰ কাম-কাজ। ৰে’লৰ এই আগশাৰীৰ উদ্ভাৱনৰ ৭৬ গৰাকী শিক্ষাৰ্থীৰ দলটোৰ ভিতৰত অন্যতম লখিমপুৰৰ ঘিলামৰাৰ সিদ্ধাৰ্থ বৰুৱা। এ
ই প্ৰকল্পটোৰ সফলতাত সিদ্ধাৰ্থৰ অৱদান উল্লেখনীয়। তেওঁ হাইপাৰলোপ ব্যৱস্থাৰ ছফ্টৱেৰ প্ৰগেমিঙৰ কাম কৰিছে।পুত্ৰৰ এই ঈৰ্ষণীয় সফলতাত অৱধাৰিত ভাবেই সুখী সিদ্ধাৰ্থৰ পিতৃ। দেউতাক সত্য বৰুৱাই পুত্ৰৰ কষ্ট আৰু ত্যাগক লৈছে শলাগ। লগতে আশা কৰিছে যে, বিশ্বৰ অন্যতম দ্ৰুত ৰে’লপ্ৰকল্পৰ জৰিয়তে ভাৰতে সমগ্ৰ বিশ্বতে এক নজিৰ সৃষ্টি কৰিব।
ইতিমধ্যে ভাৰত চৰকাৰৰ ৰেল মন্ত্ৰী অশ্বিনী বৈষ্ণৱে আই আই টি মাদ্ৰাছৰ হাইপাৰলোপ টেষ্টিং ফেচিলিটী পৰিদৰ্শন কৰি এই প্ৰকল্পটোক উচ্চ প্ৰশংসা কৰে। লগতে তেওঁ ঘোষণা কৰে যে, আই আই টি মাদ্ৰাছ কেম্পাছৰ ৪১০ মিটাৰ দীঘল হাইপাৰলোপ টেষ্ট টিউব বৰ্তমান এছিয়াৰ ভিতৰতে এইদিশত দীৰ্ঘতম।