Helmet । হেলমেটক লৈ চৰকাৰৰ ডাঙৰ সিদ্ধান্ত, এইবাৰ যদি আপুনি ভুল কৰে, তেন্তে নাপাব ৰেহাই, বিহা হ’ব জৰিমনা…
চৰকাৰে সস্তীয়া আৰু ভুৱা হেলমেট নিৰ্মাতা আৰু এনে হেলমেট বিক্ৰেতাৰ বিৰুদ্ধে শীঘ্ৰেই কঠোৰ ব্যৱস্থা লোৱাৰ প্ৰস্তুতি চলাইছে। কেৱল এয়াই নহয়, ভুৱা হেলমেট বিক্ৰেতাৰ বিৰুদ্ধেও কৰা হ’ব ব্যৱস্থা গ্ৰহণ। কিয়নো দুৰ্ঘটনাৰ সময়ত এই হেলমেটে সুৰক্ষিত নকৰে আপোনাৰ মূৰ।
ডুপ্লিকেট হেলমেট ইমান বিপদজনক কিয়?
দুৰ্বল উপাদান: ডুপ্লিকেট হেলমেট প্ৰকৃত হেলমেটতকৈ দুৰ্বল সামগ্ৰীৰে তৈয়াৰ কৰা হয়। গতিকে দুৰ্ঘটনাৰ সময়ত সেইবোৰ ভাগি পৰে আৰু আপোনাৰ মূৰটোক পৰ্যাপ্ত সুৰক্ষা প্ৰদান নকৰে।
অশুদ্ধ আকাৰ: এই হেলমেটবোৰ সঠিক আকাৰৰ নহয়। যাৰ ফলত সেইবোৰ মূৰত সঠিকভাৱে খাপ নাখায় আৰু দুৰ্ঘটনাৰ ক্ষেত্ৰত বিপদ হৈ পৰে।
মানদণ্ড অৱমাননা: এই হেলমেট নিৰ্মাণত সুৰক্ষাৰ মানদণ্ড অনুসৰণ কৰা নহয়। যাৰ ফলত ই মূৰত গুৰুতৰ আঘাত কৰিব পাৰে।
চৰকাৰী পদক্ষেপৰ লাভালাভ কি –
পথ সুৰক্ষা উন্নত কৰা: ডুপ্লিকেট হেলমেট বিক্ৰী নিষিদ্ধ কৰিলে পথ সুৰক্ষা উন্নত হ’ব আৰু পথ দুৰ্ঘটনাত মৃত্যু আৰু আঘাতৰ সংখ্যা হ্ৰাস হ’ব।
প্ৰকৃত সামগ্ৰীৰ প্ৰচাৰ: চৰকাৰৰ এই পদক্ষেপে প্ৰকৃত আৰু মানদণ্ডযুক্ত হেলমেট উৎপাদন আৰু বিক্ৰীত উদগনি দিব।
গ্ৰাহকৰ স্বাৰ্থ সুৰক্ষিত: ইয়াৰ জৰিয়তে গ্ৰাহকসকলে মানদণ্ডৰ সামগ্ৰী লাভ কৰিব আৰু প্ৰৱঞ্চনাৰ পৰা মুক্ত হ’ব।
গ্ৰাহকসকলে কি সাৱধানতা অৱলম্বন কৰা উচিত –
কৰ্তৃত্বপ্ৰাপ্ত ডিলাৰৰ পৰা ক্ৰয়: সদায়ে এক কৰ্তৃত্বপ্ৰাপ্ত ডিলাৰৰ পৰা হেলমেট ক্ৰয় কৰিব লাগে।
হেলমেটৰ গুণগত মানদণ্ড পৰীক্ষা: হেলমেট ক্ৰয় কৰাৰ আগতে আপুনি ইয়াৰ মানদণ্ড আৰু সুৰক্ষাৰ বিষয়ে সম্পূৰ্ণ তথ্য জানিব লাগিব।
হেলমেট কিনাৰ সময়ত আপুনি ৰচিদ ল’বলৈ পাহৰিব নালাগে। যাতে ভৱিষ্যতে কোনো সমস্যা থাকিলে ইয়াক ব্যৱহাৰ কৰিব পাৰি।
টু-হুইলাৰ হেলমেট নিৰ্মাতা সংস্থাৰ সভাপতি ৰাজীৱ কাপুৰে কয় যে, চৰকাৰে ২০২১ চনৰ জুন মাহত কাৰ্যকৰী হোৱা দুচকীয়া বাহনৰ মটৰ বাহন (মানদণ্ড নিয়ন্ত্ৰণ) আইন, ২০২০ ৰ জৰিয়তে চালকসকলৰ বাবে হেলমেটৰ ব্যৱস্থা কঠোৰভাৱে বলবৎ কৰা উচিত।
জনপ্ৰিয় হেলমেট কোম্পানী ষ্টিলবাৰ্ডৰ সঞ্চালক আৰু দুচকীয়া হেলমেট নিৰ্মাতা সংস্থাৰ সভাপতি ৰাজীৱ কাপুৰে কয়, “বিআইএছ চিহ্ন অবিহনে সামগ্ৰীৰ নিৰ্মাণ, বিক্ৰী আৰু সংৰক্ষণ নিষিদ্ধ আৰু ই এক অপৰাধ। বি.আই.এছ. আইন, (BIS Act) ২০১৬ ৰ প্ৰযোজ্য আইনী ব্যৱস্থা অনুসৰি এই আদেশৰ যিকোনো উলংঘন কঠোৰভাৱে দণ্ডনীয়। ”