গুজৰাটৰ জুনাগড়ত সংঘটিত এক দুৰ্ঘটনাত পাঁচজন মহাবিদ্যালয়ৰ ছাত্ৰসহ ৭ জন লোক নিহত হয়।

যাত্ৰী নিয়া এখন গাড়ীৰ ডিভাইডাৰত খুন্দা মাৰি আন এখন বাহনৰ সৈতে সংঘৰ্ষ হয়। যাৰ ফলত মৃত্যু হয় ৭ জনৰ।

আৰক্ষীয়ে জনোৱা মতে, দ্ৰুত গতিত আহি থকা ছাত্ৰ-ছাত্ৰী অনা গাড়ীখনে এটা ডিভাইডাৰত খুন্দা মাৰে, আৰু পথৰ আনটো ফালে বাগৰি পৰি দ্ৰুত গতিত চলি থকা দ্বিতীয়খন গাড়ীত খুন্দা মাৰে। ঘটনাত সাতজনৰ ঘটনাস্থলীতে মৃত্যু হয়।

বাগৰি পৰা গাড়ীখনৰ পাঁচজন শিক্ষাৰ্থীয়ে একেলগে পৰীক্ষাৰ বাবে মহাবিদ্যালয়লৈ গৈ আছিল। আনহাতে বাকী দুজন ভুক্তভোগী দ্বিতীয়খন গাড়ীত আছিল।

দুৰ্ঘটনাটোৰ প্ৰভাৱ ইমানেই ভয়ংকৰ আছিল যে দুয়োখন গাড়ী চিনাক্তকৰণ কৰিব নোৱাৰাকৈ ক্ষতিগ্ৰস্ত হৈছিল।